Жарқын болашақтың іргетасы мектепте қаланады. Мектеп біздерді тәрбиелеп, білім нәрімен сусындатады. Сабақ берген ұстаздар мен алтын ұя мектебімізге айтар алғысымыз шексіз. Мектеп қабырғасында асыл жандарды қуанту үшін мерекелік кеш ұйымдастырамыз. Ендеше назарларыңызға мектепішілік концертте орындауға болатын әндердің сөзін ұсынамыз.
 

Аяулы әнім – мектебім

Сөзі: Ә.Аймақ Әні: С.Сапарәлиев

Мейірімді шапағатын тербеткен

, Арманға асқар құлашымды серметкен.

Мен бақытты балдырғаның саяңда,

Біліміңнің бал-бұлағы шөлдеткен.

Қайырмасы:

Аяулы әнім – мектебім,

Шуағыңда көктедім

. Жүрсемдағы қай жерде

Қиялымнан кетпедің.

Сағыныштың сезімдерін шайқап ән

, Ораламыз жылда өзіңе қайтадан.

Әліппені жаттатқызған, ұстазым,

Сенің ізгі көңіліңнен жай табам.

Қайырмасы:

Тіршіліктің дүрсілдетіп жүрегін,

Мен өзіңнен қанаттанар түлегің.

Саған деген махаббатым-әнімді

Асқақтата шырқай салып жүремін.

Қайырмасы.

********